Was zum Schmunzel, von D. Klein

 

 

Die "Grüne", besser "Rötlich-Bunte"

Hänn plötzlich ebbes gege Hunde,

Besonders gege jene Diere,

Die früher kämpften gege Stiere,

Alldieweil jo so e' Vieh

Kännt beißen in e' "grünes" Knie

Wann's bei're "Demo" losgelosse

Un verreißt dort e' paar Hose,

Weil so e' Vieh, meischt faul un träge,

Kann sich uff ämol schnell bewege;

Duht ener Platschterstäh uff's schmeiße,

Kann soi,s' werd bees un kännt'nen beiße.

So Viecher duhn halt net bloß kläffe

Un sin mit em Stäh so schwer zu treffe,

Un wann se bees un nimmer heere,

Noht kännten die e' "Demo" steere!

Wu käme mer hie, mer Rot-Grün-Bunte,

Gäb's in Deutschland mäh so Hunde!

Mer kännt in Ruh kä Scheib einschmeiße,

Weil so e Vieh däht ähm vielleicht beiße!

Duht fescht ähm hälte an soim Rock

Bis die "Bulle" kummen mit'em Stock,

Un die tuen uff dir rum dann haue,

Un des gebt Flecke, meistens blaue,

Do hilft kä Gschrei un kä' Vermumme,

Bei so nem Vieh bischt halt de Dumme,

Des Viech frogt nit nach Gsetz un Recht,

S' beißt äfach zu, un ziemlich fest.

Kurzum, der Rede Sinn un Zweck:

Die Viecher misse äfach weg!

Sie dürfen sieh halt nit vermehre,

Dann kännen se a kä "Demo" steere,

Die Viecher muß mer all kaschtriere,

Dann kann sowas a net passiere.

Un hämmer vor dem Viehzeig Ruh,

Dann wende mer uns de "Bulle" zu,

Die kriegen dann kä Schlagstock meeh-

ach Gott, wern dann die "Demos" scheeh!

 

D. Klein